ޑިސެންބަރ ޗުއްޓީއަށް ދިޔުމަށް ފުރާ، ސަރއަށް އިންޑިޔާއަށް ދެވުނީ އާދިއްތަ ދުވަހުއެވެ. އެއަށްފަހު، ހެނދުނު ގަޑީގައި ވަރަށް ބޮޑަށް ހޮޑުލެވުމުގެ ސަބަބުން ހޮސްޕިޓަލަށް ގެންދެވުނު އިރު ބީ.ޕީ ހުރީ ވަރަށް ދަށްކޮން ކަމަށް އަޅުގަނޑުމެންނަށް މަޢުލޫމާތު ލިބިފައިވެއެވެ. ޖަނާރދަނަން ސަރ ނިޔާވީ ކާރޑިއެކް އެރެސްޓް ނުވަތަ ހިތް ހުއްޓުމުގެ ސަބަބުން، އިއްޔެ (ހޯމަ ދުވަހު) ގެ ވަގުތެއްގައެވެ.
ޖަނަރދަނަން ސަރގެ ކުއްލި ނިޔާވުން ވެގެން ދިޔައީ ސްކޫލަށާއި ސަރ ގެ ދަރިވަރުންނަށް ލިބިގެން ދިޔަ ވަރަށް ބޮޑު ހިތާމައަކަށެވެ. ހަމައެހެންމެ، ސްކޫލަށް ސަރގެ ފަރާތުން ލިބުނު ޚިދުމަތްތަކަކީ، ހަނދާނުން ނުފުހެވޭނެ ކަންތައްތަކެއްކަން ޔަޤީނެވެ. މި ދަނޑިވަޅުގައި ޖަނަރދަނަން ސަރގެ އާއިލާއަށް ކެތްތެރިކަން މިންވަރު ކޮށްދެއްވުން އެދި ދުޢާ ކުރަމެވެ.
