ކުރެހުމުގެ ދާއިރާއަކީ ދިވެހިންގެ ތެރޭގައި އެންމެ ހަލުވިކޮށް ކުރިލާ ހެދެމުން އަންނަ އެއް ދާއިރާއެވެ. އެކި ސްޓައިލްގެ އަރޓްސްތައް ހުންނަ އިރު އެކި މީހުންގެ ޝައުޤުވެރިކަން ހުންނަނީ އެކި ސްޓައިލްތަކަށެވެ. މިގޮތުން އެކި ސްޓައިލްގެ އަރޓްސްގެ ދާއިރާއިން ކުރިއަށް ދާ ޒުވާނުން އަންނަނީ އިތުރުވަމުންނެވެ. ބައެއް ޒުވާނުން ޕްރޮފެޝަންއެއްގެ ގޮތަށް ކުރެހުމުން ކުރިއަށް ދާއިރު ހުސް ވަގުތު ފުރާލުމަށް ކުރެހުމުގެ ދާއިރާގައި އުޅޭ ޒުވާނުންވެސް މަދެއް ނޫނެވެ.
މިފަހަރު މި ބަލައިލަނީ ކުރެހުމުގެ ދާއިރާގަ ކުލަގަދަކޮށް ފެވެމުން އަންނަ ޒުވާން އާޓިސްޓްއަކަށެވެ. paintdiary އަކީ އެކި ކަހަލައިގެ ސްޓައިލްތަކުގެ ކުރެހުންތައް ކުރަހައި އިންސްޓަގްރާމްއަށް ދޫކުރަމުން އަންނަ ފަންނުވެރިއެކެވެ. އެގޮތުން ކުރެހުމުގެ ދާއިރާއަށް ޝައުޤުވެރިކަން ހުންނަ ކުދިންނަށް ކުރެހުމުގެ ދާއިރާއިން ކުރިއަރަމުން އަންނަ އާޓިސްޓްއެއްކަމަށްވާ ފާތިމަތު ރިޝްމީ މިދެނީ 5 ސުވާލެއްގެ ޖަވާބެވެ.
1. ކުރެހުމުގެ ދާއިރާއަށް ޝައުޤުވެރިކަން އުފެދުނީ ކިހިނެތް؟
އެންމެ ކުޑަ އިރުން ފެށިގެން ވެސް ކުރެހުމަކީ އަޅުގަނޑު ވަރަށް ކުރާ ހިތުން ކުރާ ކަމެއް. ހޮބީ އެއް. އެކަމަކު އަސްލު އެއީ ކުރާ ހިތްވާ ކަމެއްކަން ރިއަލައިޒްވީ އަޅުގަނޑަށް ކިޔަވައިދެއްވި ސަރ އެއް 2018ވަނަ އަހަރު އެފްބީގައި ޝެއަރ ކޮށްލައިފައި އިން ޕޯސްޓްއެއް ފެނުނު ހިސާބުން. އޭގަ އިން ކުރެހުން ރީތިވެގެން ހިތަށްއެރީ އަޅުގަނޑަށް ވެސް މިހެން ކުރެހޭނެބާއޭ. ހިތަށް އަރާފައި ޗެލެންޖް އެއްގޮތަށް އެ ކުރެހުން އިންސްޕިރޭޝަން އަކަށް ނަގައިގެން ކުރެހި ފަހުން އެންމެ ބޮޑަށް މި ދާއިރާއަށް ޝައުޤު އުފެދުނީ.
2. ޕޭޖްއެއް ހެދުމުގެ އައިޑިއާ އައީ ކިހިނެތް؟
އެއީ 2021 ގެ ނިއު އިޔަރ ރެސޮލިއުޝަންއެއް. އަޅުގަނޑު ގެ އާރޓް ވާރކްސް ތައް އެއް ތަނަކުން ފެންނަން ބޭނުން ވާތީވެ އިންސްޓަގްރާމް ޕޭޖް އެއް ހެދީ.
3. ކުރެހުމުގައި ގެންގުޅެނީ ކޮން ކަހަލަ ސްޓައިލްއެއް؟
އަދި މިދަނީ ސްޓައިލްތައް އެކްސްޕްލޯރ ކުރަމުން. ވަކި ހާއްސަ ސްޓައިލްއެއް ނުގެންގުޅެން.
4.. ކުރިމަގުގައި ކުރާ އުންމީދަކާ ކޮބާ؟
ކުރިމަގުގައި އާރޓް އެގްޒިބިޝަންސް ތަކުގައި ބައިވެރިވުން އެއީ ކުރާ ވަރަށް ބޮޑު އުންމީދެއް.
5.. ކުރެހުމުގެ ދާއިރާ އަށް ޝައުގުވެރިކަން ހުންނަ ކުއްޖަކަށް ދޭނީ ކޮން ކަހަލަ އެޑްވައިސްއެއް؟
އަޅުގަނޑުގެ އަމިއްލަ ސެލްފްއައްވެސް އަދި ކުރެހުމަށް ޝައުޤުވެރިކަން ހުންނަ ހުރިހާ ކުދިންނަށްވެސް ބުނެލަން ބޭނުމީ ކޮންސިސްޓެންޓް ވާން މަސައްކަތްކުރާށޭ. ދާއިމީ ގޮތެއްގައި ޓްރައި ކުރަންޔާ އިމްޕްރޫވްމެންޓް ވެސް ފެންނާނެއޭ އެކުއްޖެއްގެ މަސައްކަތުން. ވަރަށް އުދަނގޫ އަދި ބައެއް ފަހަރު މޯޓިވޭޝަން ވެސް ގެއްލޭ ކަމެއް އެއީ ވިޝަން ގަ އިންނަ ގޮތާ ރިއާލިޓީ އާ ހާސްބައި ތަފާތު ވީމަ ކުރަހާ ނިމޭ އިރު. އެއީ އެއްވެސް މައްސަލައެއް ނޫނޭ ބުނެލާނީ . ކީޕް ގޮއިންގްއޭ.
